Владыко Вседержителю, святой Царю, наказуяй и не умерщвляяй, оутверждаяй низпадающия и возводяй низверженныя, телесныя человеков скорби исправляй, молимся Тебе, Боже наш, раба твоего (имя), немощствующа, посети милостию Твоею. Прости ему всякое согрешение, вольное и невольное.

Ей, Господи, врачебную Твою силу с небесе ниспосли, еже управити уми и руку раба Твоего, лекаря (имя), да нужную хирургию сотворити благополучно, яко телесному недугу раба Твоего (имя) совершенно исцелитися, и всякому нашествию неприязненному далеко отгнану быти от него. Воздвигни его от одра болезненнаго, и даруй его здрава душею и телом благоугождающа и творяща волю Твою.

Твое бо есть, еже миловати и спасти ны, Боже наш, и Тебе славу возсылаем, Отцу и Сыну и Сятому Духу, ныне и присно и во веки веков. АМИНЬ.

(Читать 40 раз)

Перед операцией нужно надеть нательный крестик, пойти в храм исповедаться и причастится, взять благословление священника на операцию. Заказать сорокоуст и молебен о здравии. Читать «Канон покаянный ко Господу нашему Иисусу Христу», Каноны Пресвятой Богородице, Ангелу Хранителю. А главное, простить всем обиды и самому, хотя бы мысленно, попросить прощение у тех, кого вы обидели и в душе примириться с ними. Если вы обретёте мир в душе, тогда операция пройдёт успешно. Заказать в храме или самостоятельно прочитать молебен с Акафистом святителю Луке Крымскому 

Молитва святителю Луке, исповеднику, Архиепископу Крымскому

О всеблаженный исповедниче, святителю отче наш Луко, великий угодниче Христов! Со умилением приклоньше колена сердец наших, и припадая к раце честных и многоцелебных мощей твоих, якоже чада отца молим тя всеусердно: услыши нас грешных и принеси молитву нашу к милостивому и человеколюбцу Богу, Емуже ты ныне в радости святых и с лики Ангел предстоиши. Веруем бо, яко ты любиши ны тою же любовию, еюже вся ближния возлюбил еси, пребывая на земли.

Испроси у Христа Бога нашего: да утвердит во святей своей Православней Церкви дух правыя веры и благочестия, пастырям ея да даст святую ревность и попечение о спасении вверенных им людей: право верующия соблюдати, слабыя и немощныя в вере укрепляти, неведущия наставляти, противная обличати. Всем нам подай дар коемуждо благопотребен, и вся яже к жизни временней и к вечному спасению полезная. Градов наших утверждение, земли плодоносие, от глада и пагубы избавление. Скopбящим утешение, недугующим исцеление, заблудшим на путь истины возвращение, родителем благословение, чадом в страсе Господнем воспитание и научение, сирым и убогим помощь и заступление. Подаждь нам всем твое архипастырское и святое благословение, да тобою осеняеми избавимся от козней лукаваго и избегнем всякия вражды и нестроений, ересей и расколов.

Даруй нам богоугодно прейти поприще временней жизни, настави нас на путь, ведущий в селения праведных, избави нас воздушных мытарств и моли о нас всесильнаго Бога: да в вечней жизни с тобою непрестанно славим Отца и Сына и Святаго Духа, Емуже подобает всякая слава, честь и держава во веки веков. Аминь.